Leonardo Di Caprio nuk ndalet kur bëhet fjalë për kauza të rëndësishme. Ai është një ndër zërat më të njohur që ka kërkuar vazhdimisht që Vjosa të shpallet Park Kombëtar në mënyrë që të jetë e mbrojtur nga digat apo projekte të tjera që mund ta dëmtojnë. Fituesi i çmimit “Oscar” ka bërë shpesh herë thirrje në Instagram për mbrojtjen e Vjosës duke përmendur se një Park Kombëtar do të tërhiqte rreth 1.5 milionë vizitorë çdo vit, do të gjeneronte rreth 20 milionë euro të ardhura çdo vit dhe do të krijonte vende pune në komunitetet lokale për çdo punë në parkun kombëtar.
Ai ka dedikuar gjithashtu postimin e tij të fundit Vjosës duke u shprehur se jemi shumë afër realizimit të kësaj kërkese.
“Qeveria e Shqipërisë është një hap më afër shpalljes së Parkut Kombëtar të lumit të parë të egër në Europë, pasi së fundmi ka bashkëpunuar me @Patagonia për të mbrojtur lumin Vjosa, një përpjekje që përfshin fushatën #SavetheBlueHeartofEurope. Lumi Vjosa i Shqipërisë është lumi më i madh i egër në Evropë. Lumi dhe degët e tij rrjedhin të paprekura nga burimi në det, duke krijuar një ekosistem biodivers që mbulon mbi 300 km. Lumi është shtëpia e 1,100 llojeve të kafshëve, duke përfshirë 13 kafshë të kërcënuara globalisht dhe dy specie bimore”- përfundon Leonardo.
View this post on Instagram
