Ka folur sot babai i 20-vjeçares me aftësi të kufizuara që është përdhunuar nga dy vëllezër në Kukës, pasi ishte zhdukur prej ditësh nga shtëpia e saj.
Sot u raportua se policia kishte arrestuar dy vëllezërit që kishin abuzuar me të renë, por babai i vajzës shprehet se i dyshuari kryesor është ende i lirë.
Ai rrëfen se vajza e tij aktualisht është në gjendje jo të mirë, pasi u rrëmbye nga të akuzuarit dhe është dërguar për trajtim mjekësor:
“Gjendja e saj njëherë mirë jo. E kanë marrë do të Kukësit atje dhe çka po di unë ato mënyrat e tyre çka kanë dashtë me bë. Atje i kanë nxënë. Dy i kanë burgosë dje edhe njëri është në kërkim. Ai bash kryesori është në kërkim”, ka thënë M., Berisha.
“E kanë pru mbrëmë. Në ora 02:00 të mëngjesit jam kthy në shtëpi. Kemi ardh me Polici. Policia e Kukësit na kanë pru deri këtu. Tani kanë dalë të Kosovës e kanë marrë këtu, e kanë çu te mjekët”, vijon ai.
20-vjeçarja me probleme mendore dhe paaftësi fizike, nga fshati Volljakë i Klinës ishte zhdukur të premten në mëngjes. Lajmi.net shkruan se ajo ishte zhdukur edhe para më shumë se një viti, ndërsa kur ishte gjetur nga Policia, kishte tentuar t’i vinte flakën vetes.
