Bashkëpunimi i parë Shqipëri-Kosovë-Gjermani-Greqi solli filmin “Krom”, i cili pati premierën ndërkombëtare në Festivalin Karlovy Vary, në korrik të 2015-s.
Ndërsa tani Shqipëria nis filmin “Krom” në garën për “Oscar”. Filmi me regji të Bujar Alimanit do të përfaqësojë Shqipërinë në kategorinë “Filmi më i mirë në gjuhë të huaj”.
Producentë të filmit janë, Tefta Bejko, Valon Jakupaj, Anita Elsani, Thanos Anastopoulos, Stella Theodorakis, ndërsa në rolet kryesore vijnë Fredjon Ruci, Klodjana Keco, Kasem Hoxha dhe Mirela Naska.
Filmi përcjell një dramë njerëzore me një mesazh të qartë për shoqërinë shqiptare. Ngjarjet e tij zhvillon në Bulqizë, në vendin e njohur për minierat e kromit ndaj dhe regjisori ka zgjedhur ta quaj filmin me këtë emër.
Filmi, i cili trajton një dramë familjare në një nga zonat e varfra edhe pse me pasuri të çmuara nëntokësore, vjen i trajtuar me shumë delikatesë. Ky film vjen edhe si një ndërgjegjësim për vendin tonë, ku ende shumë histori tragjike vijnë nga familjet e minatorëve, për shkak të mungesës së kushteve dhe ndihmës nga organet kompetente.
