35 vite më i madh se e dashura, aktori i famshëm pret një fëmijë me të

Edhe pse 60 vjeç është gati që të bëhet baba për herë të nëntë. Aktori Mel Gibson dhe e dashura e tij 26-vjeçare, Rosalind Ross, janë në pritje të një fëmijë, konfirmoi zëdhënësi i tyre për “Page Six”.

Ky do të jetë fëmija i parë për çiftin, por i nënti për aktorin dhe regjisorin e famshëm.

Gibson ka shtatë fëmijë me ish-bashkëshorten e tij Robyn Moore dhe një vajzë me ish-të dashurën e tij, Oksana Grigorieva.

“Mel dhe Rose janë shumë të emocionuar për fëmijën. Mel e dashuron të jetë baba dhe ata mezi po presin që të bëhen prindër bashkë. Dy vitet e fundit kanë disa ndër vitet më të lumtura të jetës së tij”, tha një mik i çiftit për revistën “People”.

Gibson dhe Ross e bënë publike marrëdhënien e tyre verën e kaluar.

Burimi: Daily Mail