Babai i reperes së njohur shqiptare Baby G ditën e sotme feston ditëlindjen dhe ajo ka vendosur që ta urojë të atin përmes një postimi në llogarinë në Instagram, ku numëron një numër të konsiderueshëm ndjekësish.
Baby G ka publikuar një foto ku shfaqet babai i saj në një moshë mjaft të re, ndërkohë krah saj ka bërë dedikimin emocionues: “Gëzuar ditëlindjen mbreti im. Shpresoj që të kalosh një ditë të mirë babi. Ti je më i miri në të gjithë botën. Ti meriton gjërat më të mira, dhe uroj që dita e sotme të jetë e bekuar me dashuri dhe lumturi.”
Disa minuta më pas, reperja ka publikuar një tjetër foto ku kësaj here shfaqet ajo së bashku me dy prindërit. Është për t’u theksuar fakti se është hera e parë që Baby na prezanton me nënën e saj dhe ato ngjajnë vërtet shumë me njëra-tjetrën.