Jetnis Junior Dollapi është bekimi i parë për modelen Amina Shena, e cila mesditën e 14 qershorit mbajti për herë të parë në krahë vogëlushin e porsalindur. Modelja shqiptare ka rrëfyer për “iconstyle.al” se edhe përse po përjeton shumë netë pa gjumë, këto janë javët më të bukura të jetës së saj.
“Mëmësinë po e shijoj shumë. I jam përkushtuar vetëm atij. Është ndjenja më e bukur që mund të përjetoj një femër, pavarësisht netëve pa gjumë apo lodhjes. Asgjë nuk ka rëndësi, kur merr fëmijën në krahë. Këto tre javë, janë padyshim javët më të bukura të jetës sime.” – tregon ish-modelja e “Icon Agency”.
Amina ka zgjedhur të përkujdeset vetë për të voglin e saj, ndaj rikthimin në punë e ka shumë të vështirë ta mendojë.
“Ne të dy jemi lidhur shumë me njëri-tjetrin, aq sa nuk dua ta mendoj sesi do reagojmë kur të vijë momenti që do t’i rikthehem punës. Mendoj se është pak herët të rikthehem, por dalëngadalë do jem gati për të qënë përpara apartatit. Kisha disa vështirësi javën e kaluar pasi linda me operacion, por tani kanë kaluar dhe jam shumë mirë.” – shprehet modelja.
Por kujt i ngjan bebushi që ende nuk ka mbushur 40 ditë?
“Jetnisi është një panda i vogël, që ngjan edhe me mua edhe me partnerin tim. Mund të them se është shumë fëmijë i qetë dhe aspak qaraman. Tanimë, i pëlqen vetëm të pijë.” – përfundon Amina Shena për “iconstyle”.
Sic ka rrëfyer më pare për “iconstyle.al” Amina, emri Jetnis është trashëguar nga emri i vëllait të partnerit të saj, i cili ndërroi jetë si pasojë e një aksidenti në Tiranë, në gushtin e vitit 2016.
