Kryetari i Bashkisë së Tiranës Erion Veliaj dhe bashkëshortja e tij Ajola Xoxa u bekuan me një vogëlush 13 ditë më parë, të cilin e kanë pagëzuar me emrin e veçantë Kajan. Ata nuk e kanë fshehur në publik entuziazmin e të qënit prindër për herë të parë, teksa e kanë përkëdhelur të voglin me deklarata emocionuese në media e në rrjetet sociale.
Ditën e sotme, Erion Veliaj nuk nguroi të ndante me 248 mijë ndjekësit e tij në “Instagram” dhuratën e ëmbël që mori nga qendra sociale komunitate “Gonxhe Bojaxhi”. Pasi u kujdes personalisht që njerëzit në nevojë të ushqeheshin, kreu i Bashkisë u emocionua kur ata kishin një dhuratë për të voglin e tij. Në profilin e tij në “Instagram”, ai publikon një foto ku shfaqet shumë i buzëqeshur, teksa mban në duart një palë papuçe të thurura në ngjyrë bojëqielli, të lidhura me një fjongo të bardhë!
Kajan sapo mori dhuratën e parë në publik nga dashamirësit e babit!
