Ka qënë një ditë shumë e ëmbël për fashionisten shqiptare Lori Hoxha, e cila feston 25-vjetorin e lindjes!
Dita nisi me një dedikim emocionues nga partneri i saj Visi, i cili si rrallëherë shprehte të gjithë ndjenjat e tij për Lorin, në një postim në profilin e tij në “Instagram”.
Lori ka zgjedhur të mos shfaqë momente nga festimet e ditëlindjes jashtë Shqipërisë, ama ka zbuluar se cila është dhurata e saj perfekte. Me anë të një fotoje ku shfaqet London teksa i qëndron mbi kokë tortës së tezes, Lori tregon se ai është dhurata më e bukur që do të marrë në çdo ditëlindje.
“Kurrë nuk e kisha menduar se një flokëkuq i vogël do të ishte dhurata perfekte për çdo ditëlindje. Familja ime është bekimi më i madh dhe falenderoj universin për një tjetër vit” – shkruan krahas fotos fashionista shqiptare.
