Adelina Tahiri është padyshim një vajzë me shumë fat! Dhe nuk po flasim vetëm për faktin se ajo ka gjetur dashurinë e jetës dhe është bekuar me një fëmijë, por sepse ajo ka diçka që të gjitha vajzat e ëndërrojnë!
Mbrëmjen e së premtes, ajo publikoi një video në profilin e saj në “Instagram”, teksa hapte derën e garderobës, që duket se nuk ka një fund. Adelina na prezantoi me “parajsën” e saj në shtëpi duke zbuluar raftet plot e përplot me veshje, të renditura sipas rëndësisë dhe ngjyrave.
Ndërkohë që këpucët dhe aksesorët, prisnin rradhën për t’u veshur në raftet e posaçme për ta! Dhe duke ditur se Adelina nuk kursehet aspak për veshjet dhe zgjedh vetëm shtëpitë më të mëdha të modës, merret me mend se vlera e garderobës së saj është një numër me shumë shifra.
