Rikthehet Elvana Gjata! Edhe përse synon tregun ndërkombëtar, Elvana Gjata kurrsesi nuk braktis fansat e saj shqiptarë. Pak minuta më parë, ajo publikoi klipin e saj më të ri me titull “Ku Vajti”, teksti i së cilit është shkruar nga vetë këngëtarja.
“Ku vajti dashuria. Ooo ku vajti ? Dashuri më nuk ka!” – janë vargjet e para të këngës, teksa një dorë e mbështjell për fyti Elvanën, në videoklipin e xhiruar vetëm me një sfond të bardhë.
Elvana ka preferuar të vijë së bashku me balerinët, në koreografinë e Albi Nakos, teksa “vajton” në interpretimin e këngës. Ajo shfaqet e veshur bardhë e zi, me një body, pelerinë dhe xhaketë.
Kënga është tejet ritmike dhe me siguri do të jetë hiti i kësaj vere.
