Shqipëria humbi me një rezultat shumë të thellë në ndeshjen me Skocinë, ndaj trishtimi ishte i madh në zemrat e tifozëve kuqezi. Të shumtë ishin ata që e komentuan edhe në rrjetet sociale, duke mos kursyer kritikat për lojtarët si dhe trajnerin e Kombëtares.
Mirëpo, kantautori Elton Deda u ndal edhe tek kënga “Kuq e Zi”, të kënduar nga Flori Mumajesi dhe Elvana Gjata, të cilën e krahasoi si ‘infeksion rural’. Duke mos e përmendur emrin e Florit, Deda sqaron se muzika e këngës është e punuar shumë keq, ndaj duket sikur është melodia e nation league, e përzierë me tingujt e lahutës.
“Mbas humbjes me whiskey/pirësit, dy gjëra më qetësojnë. Njëra veshët dhe tjetra sedrën. E para, që nuk do e dëgjoj më temën e muzikës së nation league perzierë me një motiv lahute të edituar në Melodynë që për hir të së vërtetës ishte i keq bërë nga kushdo që e ka marrë përsipër. E dyta, nuk do kem më brerje ndergjegje per fjalët që më flisnin shokët e mi për një “komplot” lojtarësh per Pannucin. Aq e ke takatin. Ska pse merzitesh. Ahh se harrova, dëgjoni J.S.Bach se ju shëron veshët nga infeksionet rurale”, shkruan Elton Deda.
