Eli Fara është një ndër këngëtaret shqiptare me të cilat natyra është treguar shumë bujare. Pavarësisht se vitet ikin, ajo mbetet gjithmonë e re, plot sharm dhe elegante.
Këngëtarja simpatike feston sot ditëlindjen e saj të 51-të dhe që në orët e para të mëngjesit është surprizuar nga e bija, Marina, me një urim me fjalë zemre.
“Në një ditë si sot lindi nëna më e mirë në botë. Të uron motra të bëhesh 100 vjet. Jeta ime ka nisur duke hapur sytë dhe duke dashuruar fytyrën tënde. Kur numëroj gjërat e çmuara që kam në jetë, ty të numëroj dy herë. Zemra jote është vendi më i sigurt për mua. Ti je mbretëresha ime. Nuk ka fjalë që mund të përshkruaj dashurinë që kam për ty. Të dua! Gëzuar ditëlindjen!”, shkruan Marina krahas fotos ku shfaqet duke u puthur në buzë me të ëmën.
