Adi Krasta është konsideruar gjithmonë si një ndër gazetarët më të mirë të ekranit shqiptar. Ai ka një karrierë të gjatë dhe mban mbi supe një numër të madhe emisionesh të moderuar ndër vite.
Në sezonin që lamë pas figura e Adi Krastës si moderator na mungoi në ekranet tona. Gjatë sezonit televiziv 2016-2017 Krastën e pamë të modertonte spektaklin “E diell”, por që iu desh të largohej pa e mbyllur kontratën. Një largim i zhurmshëm që siç sqaroi më vonë Krasta kishte të bënte me mënyrën e ndryshme të konceptimit të të bërit televizion.
Mirëpo ndërkohë që në televizionet shqiptare kanë filluar lëvizjet për moderatorët e rinj që do të shohim në ekranet tona gjatë sezonit të ri televiziv, një ndër ta është edhe Adi Krasta.
Një burim për “iconstyle.al” ka bërë të ditur se Adi Krasta është në bisedime për të nisur një emision të ri në televizionin “News 24”.
Ndërkohë të gjithëve na mbetet të presim finalizimin e këtyre bisedimeve për të parë Adi Krastën në shtator në ekranet tona.
*Kujdes! Ndalohet riprodhimi i këtij materiali pa lejen e redaksisë së Iconstyle.al
