Pas një ndarje të bujshme Gigi Hadid dhe Zayn Malik duket se janë rikthyer sërish bashkë. Ata kanë qenë të lidhur prej vitesh dhe u ndanë duke thënë se ishin angazhimet profesionale ato që pengonin vazhdimësinë e lidhjes së tyre.
Mirëpo tashmë që janë rikthyer bashkë fansat kanë filluar ta quajnë këtë një rikthim thjesht për publicitet. Pikërisht këto thashetheme e kanë irrituar modelen e “Victoria’s Secret” e cila ka reaguar nëpërmjet një statusi të gjatë në “Twitter”.
“Ju vazhdimisht më etiketoni në postime të reja çdo ditë. Ju lutem mjaft. Kjo është një gjë negative, nuk kam më nerva aq të forta. Jashtë është një botë e bukur dhe në vend që të dilni dhe ta shijoni, shtrembëroni një lidhje mes dy personave që në të vërtetë as nuk e shihni 99% të saj.
Energjia që ju vendosni në këtë nuk i shërben jetës tuaj në asnjë mënyrë. Nuk më duhet ai që të më ndjek, sytë e mi janë tatuazh në gjoksin e tij. Nuk ka asgjë për t’u zbuluar. Unë postoj foto të të dashurit tim si gjithë të tjerët sa herë që ai më mbështet apo unë e mbështes atë.”,- ka thënë Gigi duke u shprehur se gjithçka shkruhet për të dhe Zayn e ka shqetësuar.
