“Iconstyle.al” çdo javë në rubrikën e të famshmeve shqiptare të veshura më me stil ju jep mundësinë lexuesve të faqes që të zgjedhin të preferuarën e tyre.
Këtë javë përzgjodhën 5 vajza të famshme, blogere e personazhe televizive që me zgjedhjet e tyre plot shije janë shndërruar në imazhe referimi përsa i përket stilit të veshjes.
Lexuesit e “iconstyle.al” votuan të preferuarën e tyre mes: Rita Orës, Kidës, Lori Hoxhës, Viola Spiros dhe Françeska Jaçes.
Mirëpo ajo që për të disatën herë ua ka rrëmbyer zemrat lexuesve të faqes sonë është padiskutim feshionistja Lori Hoxha. Me një diferencë të bindshme votash ajo ka arritur të përzgjidhet si e famshmja e veshur më me stil për këtë javë. Në vend të dytë qëndron Kida, ndërsa si më pak e votuara rezulton moderatorja Viola Spiro.
Lori gjatë kësaj jave kishte zgjedhur të vishte një fund xhins, të cilin e kishte kombinuar me një bluzë të zezë dhe një çantë të vogël të vendosur tek beli. Një veshje plot stil, por dhe tepër e përshtatshme për ditët e nxehta të verës.
*Kujdes! Ndalohet riprodhimi i këtij materiali pa lejen e redaksisë së Iconstyle.al
