Të gjithë ju që jeni këtu pasi jeni kuriozë të dini se çfarë ju pret në sezonin e dytë të serialit “You”, mirë se erdhët!
Për ty që ende nuk e ke parë sezonin e parë të serialit më të bujshëm të Netflix, (shiko këtu) dhe kthehu pas sezonit të parë nëse nuk i ke qejf SPOILER-at!
Sezoni i parë i “You” i la shikuesit në dilemë! Joe (Penn Badgley) kishte vrarë dashurinë e tij Beck-in (të thashë që duhet të shikoje sezonin e parë), kishte organizuar që të dukej si vrasje nga Dr. Nicky dhe gjithçka dukej se po ecte në rrjedhën e duhur deri sa papritur shfaqet ish-e dashura e tij, Candice, e cila nis ta kërcënojë.
Në sezonin e dytë që bazohet në novelën “Hidden Bodies” nga Caroline Kepnes, librashitësi Joe Goldberg, i cili ende jeton me një fantazmë nga e kaluara e tij (Beck-in), detyrohet të ikë nga New York City me shpresën për të nisur një fillim të ri në Los Angeles, aty ku takon një vajzë mjaft simpatike, që për koicidencë ka emrin Love (Dashuri).
https://www.instagram.com/p/B6i-XmXJb–/
Pra Joe rigjen dashurinë e re, pasi me të parën nuk shkoi siç priste, dhe nis përpjekjet e tij për të pasur atë marrëdhënien e përsosur.
Por një seri ngjarjesh të çuditshme dhe vdekjeprurëse pasojnë!
Joe, tani quhet Will dhe ngjarja zhvillohet në LA
Fillimisht Joe ndyshon identitetin, dhe do të bëhet Will! Ky emër nuk është dosido, por është identiteti i një hakeri që Joe njohu në Los Angeles, dhe se çfarë ndodhi me Will-in e vërtetë, do ta shihni! Nëse e mbani mend kafazin e famshëm ku Joe mbyllte njerëz, me siguri e keni një ide se ku ka përfunduar Will!
Por, ti marrësh dikujt emrin, do të thotë të marrësh dhe të mirat dhe të këqijat e tij, përfshi këtu borxhet, njerëzit që e përndjekin e një sërë dramash për të cilat Joe e gjen veten të papërgatitur, kur e vetmja gjë që do, është të sigurojë një të ardhme të lumtur me Love-n.
Por çfarë është i gatshëm të bëjë Joe për dashurinë?
GJITHÇKA! Gjithçka që ai bën, e bën në emër të dashurisë, ndaj dhe ka fituar shpehherë zemrat e vajzave që e kanë parë serialin! Edhe këtë sezon të 2-të, Joe ju rikujtoi të gjithëve se karakteri i tij është një psikopat që vret njerez dhe na solli me këmbë në tokë kur është fjala për ta pëlqyer, duke publikuar videon e tij të vjetër:
https://www.instagram.com/p/BsotpY3nsMC/
Fiksimi i ri i Joe-t, nuk i ngjan fare Beck-it
Joe gjen një vajzë si Love (Victoria Pedretti), e cila është shumë më ndryshe sesa Beck! E ka profilin privat në Instagram, meqë ra fjala! Ajo pëlqen shumë të gatuajë! Prindërit e saj kanë në pronësi biznesin ku punon Love dhe Joe. Ka dhe një vëlla binjak i cili do t’ia bëjë akoma më të vështirë misionin Joe-t; dhe një të kaluar të trishtë!
Por Love është shumë e hapur, nuk është fare si një fjalëkryq që Joe duhet ta zgjidhë! Ajo praktikisht i lutet Joe-t që ta pëlqejë atë, ta dëshirojë, ta dojë. A do të arrijë Joe t’ia plotësojë dëshirën kur ta njohë vërtet se çfarë vajze është?!
Pse Joe nuk mund të jetë i dashuri normal?!
Sezoni 1 na dha një pasqyrë të sjelljes së Joe: ndikimi më i madh në jetën e tij ishte një shitës librarish, Z. Mooney. Dëshira e Joe-t për të mbyllur njerëz në kafazin e tejdukshëm, lidhej pikërisht me të shkuarën e tij! Kur Joe ishte adoleshent dhe punonte për Z, Mooney, ai përfundonte shumë shpesh në kafaz i dënuar. Joe e lidh kafazin me shpagimin dhe vetë-reflektimin, dhe është trashëgimia e Mooney-t.
Sezoni 2 zhvendoset më tej, dhe zbulon se Joe ka pasur probleme serioze me nënën e tij. Ajo e braktiste shpesh Joe-n në vende publike. Babai i tij ishte abuziv, dhe është Joe ai që e ka shpëtuar mamanë e tij nga i ati. Kjo është historia e origjinës reale të Joe-t: ai i shpëton femrat nga diçka ose dikush më i keq se ai vetë.
Love, e treta e vërteta?!
Po sikur ajo që ke pranë, të jetë e aftë të bëjë të njëjtat gjëra si ti për t’ia arritur qëllimit?
Finalja e sezonit 2 konfirmon se kur bie në dashuri për herë të 3-të, nuk është aspak tërheqëse. Ai është i gatshëm të harrojë kur është fjala për tradhtinë e Candace dhe Beck-it, për aq kohë sa ato premtojnë ta duan atë.
Por kur Love i ofron atij dashuri të pakushtëzuar dhe e pranon atë siç është, për Joe-n nuk është më e mjaftueshme.
Ajo nuk është e pafajshme siç ai mendonte, ka të meta dhe është në dispozicion të tij. Realiteti në rastin e Love, mund të jetë makthi i tij më i keq!
