Basketbollisti legjendar i NBA, Kobe Bryant ndërroi jetë ditën e djeshme pas një aksidenti fatal.
Helikopteri i tij u përplas dhe mori flakë duke u marrë jetën 9 personave që ndodheshin në të.
Bashkë më Kobe, ndërroi jetë edhe vajza e tij 13-vjeçare, Gianna, e cila kishte trashëguar talentin e të atit.
Pas vdekjes së tij, reagimet kanë qenë të shumta, megjithatë ai që i ka habitur të gjithë është një postim i vitit 2012 i bërë nga dikush i quajtur, Noso.
Në postimin e tij në Twitter ai ka parashikuar aksidentin tragjik të Kobe.
“Kobe do të përfundojë i vdekur nga një përplasje helikopteri,” shkruante ai në postimin e tij.
Kobe is going to end up dying in a helicopter crash
— .Noso (@dotNoso) November 13, 2012
Pas kësaj fansat kanë mbetur të shokuar dhe i kanë kërkuar personit në fjalë të fshijë postimin.
Por ai ka zgjedhur vetëm të reagojë me një shkrim duke thënë: “Oh më vjen keq”.
Mediat e huaja shkruajnë se Kobe udhëtonte prej vitesh me këtë helikopter dhe ai më parë nuk kishte dhënë defekte teknike.
