Në ditëlindjen e saj të 31-të, këngëtarja e dashurisë u shfaq më në formë se kurrë, e veshur me një fustan të frymëzuar nga moda e viteve ’50 në filmin “Godfather”.
Ndonëse, siç shprehu në një mesazh prekës, viti i 30-të i vitit ishte një sfidë më vete (lexoje këtu), Adele duket se e ka mbajtur premtimin që i bëri vetes këtu e 7 vite më parë, për të bërë jetë të shëndetshme.
Kujtojmë se kur u prezantua me këngët e saj të para, Adele ishte shumë kile më tepër, diçka që artistja nuk e ka konsideruar ndonjëherë një pengesë për vetëbesimin e saj.
“Ime më më mësoi t’i bëj gjërat për veten, jo për të tjerët”, u shpreh Adele për “DailyMail” në 2009-ën.
Dhe qe pikërisht për veten dhe për djalin e saj, Angelo-n, që në 2012-ën, kur ishte shtatzënë, t’i jepte një drejtim krejt të ri jetës së saj.
Ajo hoqi dorë nga zakoni i vjetër i të pirit 10 gota çaj me sheqer në ditë (më angleze se kaq, s’mund të bëhej, hëh?). Përveç kësaj, Adele hoqi dorë edhe nga duhani, që shumica e njerëzve e paragjykojnë si një mënyrë për të qëndruar i hollë.
Por në fakt, qe pikërisht ky stil i ri i shëndetshëm jetese, që e ndihmoi Adele të humbasë peshë për të mos i rifituar më kilet e dikurshme.
Për këtë, iu drejtua nutricionistes Jennifer Irvine, e cila e motivoi të kishte perimet dhe frutat si bazë në dietën e saj, duke reduktuar sasinë e karbohidrateve (makarona, pica, buka) dhe duke konsumuar më tepër proteina si mishi dhe të jeshiltat.
Megjithatë, mos të presim ta shikojmë ndonjëherë kockë e lëkurë Adelen, aq më pak të fiksohet pas stërvitjes.
“Më mirë një drekë me shoqet, sesa një orë në palestër.”, është motoja e Adele siç rrëfeu në një intervistë për “Rolling Stone”.
