Virusi vdekjeprurës Covid-19 ka sjellë përkeqësim të situatës në Spanjë, ku gjendja është bërë e papërballueshme.
Numri i personave të infektuar dhe i jetëve të humbura po rritet frikshëm dita-ditës dhe Spanja ka tejkaluar tashmë Kinën nga numri i viktimave.
Spanja shënon deri tani 3,434 jetë të humbura, duke u bërë shteti i dytë në botë pas Italisë (6,820 viktima) me numrin më të madh të personave të vdekur.
Deri tani, vendi me më shumë persona të vdekur nga Covid-19 pas Italisë ishte Kina (3,281 viktima), mirëpo numri i jetëve të humbura në Spanjë është rritur frikshëm.
Deri tani, në Spanjë janë konfirmuar 47,610 persona të infektuar me koronavirus, 2,636 prej të cilëve janë në gjendje kritike për jetën.
Ndërkohë, Ministria e Shëndetësisë ka përditësuar sot të dhënat mbi situatën e koronavirusit në Shqipëri, duke bërë me dije se ka arritur në 146 numri i të infektuarve, me 23 raste të reja në 24 orë.
Shpërndarja gjeografike e rasteve pozitive, është si më poshtë:
- Tiranë 83 qytetarë
- Durrës 9 qytetarë
- Lushnje 4 qytetarë
- Elbasan 3 qytetarë
- Fier 14 qytetarë
- Rrogozhinë 2 qytetarë
- Kavajë 4 qytetarë
- Korcë 11 qytetarë
- Vlorë 5 qytetarë
- Shkodër 3 qytetarë
- Lezhe 4 qytetarë
- Berat 1 qytetarë
- Has 2 qytetarë
- Krujë 1 qytetar
