Ata tashmë kanë fituar zemrat e fansave dhe cilësohen si një ndër çiftet më të dashur të showbiz-it shqiptar.
Sot është një ditë shumë e veçantë për çiftin e njohur. Venera dhe Lindi festojnë 5-vjetorin e dashurisë së tyre. Ka qenë Venera e para që ka postuar një “Instastory” ku tregon gëzimin e madh të kësaj dite të shënuar të saj.
“5 vjet zjarr që nuk shuhet kurrë”, shkruan këngëtarja mbi foton e postuar në “Instastory”.
Nga ana tjetër edhe Lindi ka publikuar në “Instagram” një foto ku shfaqet duke u puthur me Venerën dhe shkruan një dedikim të veçantë.
“Sot, 5 vite bashkë me Venerën time, me dhuratën më të bukur që më dha Zoti…Të dua”, shkruan Lindi krahas fotos.
Kujtojmë që dy këngëtarët janë njohur dhe dashuruar në talent-show-n “The Voice of Albania”, ku Venera doli fituese.
