Georgina Rodriguez dhe Cristiano Ronaldo, janë fejuar? Epo kjo unazë e shndërritshme në gishtin e Georginës nuk lë më vend për dyshime.
24-vjeçarja ndodhej në stadiumin Luzhniki në Moskë, për të ndjekur nga afër ndeshjen e Portugalisë kundër Moroccos, ku partneri i saj Cristiano Ronaldo i dhuroi fitoren skuadrës së tij.
E ndërsa Cristiano shënoi në fushën e gjelbërt, sytë në tribunë ishin mbi unazën e diamanteve në gishtin e Georginës. Sipas “Dailymail”, Cristiano ka propozuar 24-vjeçaren, pas lindjes së vogëlushes Alana.
Unaza e shndërritshme i ka kushtuar Ronaldos plot 615 mijë paund, ndaj Georgina mbaje si sytë e ballit!
Cristiano Ronaldo është baba i katër fëmijëve, Cristiano Ronaldo Juniorit, binjakëve Eva dhe Mateo, të cilën erdhën në jetë nga një nënë surrogate si dhe Alanës, nga lidhja e tij me Georgina Rodriguez.
