Archie mund të jetë i shtati në radhë për të trashëguar fronin, por kjo s’do të thotë se fëmija i parë i Dukës dhe Dukeshës së Sussex-it po rritet si princ.
Burime pranë pallatit bënë të ditur për “People” se Meghan dhe Harry duan t’i japin Archie-t një fëmijëri normale. Ashtu si princesha Dajana rriti princin William dhe princin Harry.
Ndonëse me të në eventet e rëndësishme të pallatit të Buckingham-it, Harry dhe vëllai i madh William prisnin në radhë si gjithë të tjerët kur shkonin për të blerë në supermarket.
Kështu, edhe Archie-n, duket se Harry dhe Meghan-i ia kanë vënë qëllim vetes ta bëjnë të ndihet një djalë i thjeshtë.
Pikërisht për këtë, ata vendosën të qëndrojnë jo në pallatin e Kensington-it, por të shpërngulen në vilën Frogmore, teksa zgjodhën të mos i japin titull mbretëror Archie-t.
Vetë Meghan, e kaloi fëmijërinë larg vëmendjes. Ajo u rrit në Los Angeles si bijë e një drejtori ndriçimi në filmat e Hollywood-it.
Dalja e parë publike si familje e Meghan dhe Harry-t ndodhi në 8 maj, në Kështjellën e Windsor-it, aty ku Harry dhe Meghan u martuan në maj të vitit të kaluar.
Për pak ditë, ata festojnë përvjetorin e parë si burrë e grua.
