Këngëtari Blero është intervistuar nga Prokuroria e Përgjithshme e Prishtinës. Lajmin e bëri të ditur prokurori i rastit Atdhe Dema. I pyetur për intervistimin e Bleros, emri i vërtetë i të cilit është Blerim Muharremi, prokurori nuk ka dashur të jap shumë detaje.
“Po ky person është nën hetime, jam në seancë dhe nuk mundem të flasë më tepër”, tha prokurori Dema pa treguar se për çfarë po hetohet këngëtari i njohur.
Fakti që Blero ka qenë në Prokurori e ka konfirmuar edhe vet këngëtari, por ka preferuar të mos flasë rreth kësaj teme.
“Nuk komentoj për këtë rast”, ka thënë Blero për “arbnesh”.
Kujtojmë që Blero para dy vitesh është hetuar nga Policia e Kosovës për armëmbajtje pa leje.
