Besnik Qaka, i njohur nga të gjithë si Besniku i ERG, pak muaj më parë kurorëzoi me martesë lidhjen e tij të dashurisë me Lolita Begollin. Një dasmë madhështore që mblodhi shumë figura të njohura shqiptare, edhe pse u organizua në një kohë të shkurtër.
Menjëherë pas dasmës çifti na dha edhe lajmin e bukur që së shpejti do të bëheshin prindër. Tashmë Lolita është në muajin e shtatë të shtatzanisë dhe ka filluar të shijojë shkelmimet më të ëmbla që mund të marrë njeriu në jetën e tij.
Lolita ka postuar në “Instagram” një video ku shihet teksa bebi e shkelmon, ndërsa Besniku duket sikur komunikon me vajzën e tij që pritet të vijë në jetë në pranverë. Një moment shumë i bukur që na i ëmbëlsoi ditën të gjithëve.
