Më 20 shkurt do të mbahet një nga eventet më të rëndësishme të ndarjes së çmimeve në Britani, “Brit Awards” dhe në skenën e “O2 Arena” në Londër do të ngjitet këngëtarja shqiptare.
Në event nuk do të mungojnë këngëtaret shqiptare me famë botërore, Dua Lipa dhe Rita Ora, të cilat janë nominuar për disa çmime.
Por nga ana tjetër, Dua Lipa do të jetë ajo e cila do të dhurojë edhe një performancë spektakolare. Këtë gjë e konfirmoi këngëtarja përmes një postimi në Instagram, ku do të performojë bashkë me emrat e mëdhenj të muzikës si, Calvin Harris, Rag’n’Bone Man dhe Sam Smith.
Dua është nominuar për projektet “IDGAF” dhe “One kiss”: Për çmimet “Kënga më e mirë” dhe “Videoklipi më i mirë”.
Vitin e kaluar Dua hyri në histori, pasi u bë femra e parë që u nominua në pesë kategori dhe triumfoi në dy prej tyre.
Ajo fitoi çmimet “Këngëtarja më e mirë” dhe “Debutimi më i mirë i vitit”, si dhe performoi live “New Rules”.