Këngëtarja shqiptare Bebe Rexha në një intervistë së fundmi për “Walgreens” ka kujtuar periudhën e gjimnazit.
Por kjo jo rastësisht, pasi së bashku me “Walgreens”, Bebe bëri një ripërpunim të himnit të studentëve “Pomp and Circumstance”, duke e sjellë në një version të ri remix.
Nëpërmjet këtij projekti këngëtarja shqiptare iu ka bërë thirrje studentëve që të xhirojnë veten nën ritmet e kësaj kënge me veshjen e diplomimit dhe të festojnë.
Nëse po pyesni se pse e ka marrë këtë vendim, e kemi dhe këtë përgjigje.
Ndikuar nga situata që është krijuar nga pandemia globale, shumë maturantë nuk do të mund të organizojnë mbrëmjen e tyre të maturës, të cilët për shumë vite kanë ëndërruar për atë moment, por edhe nuk do të mund të organizojnë ceremoninë e diplomimit siç e kishin imagjinuar.
Për t’i bërë për disa minuta të lumtur, Bebe me “Walgreens” kanë menduar pikërisht këtë projekt.
Bebe ka bashkëpunuar në lidhje me këtë prjekt për të vetmen arsye se i kupton shumë mirë maturantët sesi ndihen që ata nuk do të shkojnë në mbrëmjen e tyre të maturës apo në ceremoninë e diplomimit, pasi edhe ajo nuk ka shkuar dhe i ka ngelur peng akoma e sot.
“Unë nuk kam mundur të shkoj në mbrëmjen e maturës kur isha e re, dhe mbaj mend si u ndjeva. Kështu që më bën vërtet të lumtur fakti që të mund të ndihmoj në krijimin e këtyre momenteve të veçanta për të gjithë ata që tani mungojnë në promovimin, diplomimin ose ndonjë moment të madh për të festuar diçka të veçantë”, u shpreh Bebe Rexha.
