Ariana Grande dhe Pete Davidson i dhanë fund fejesës së tyre në muajin tetor dhe këngëtarja si vajzë e mirë që është (jo si Paris Hilton), i ktheu unazën e diamandit ish-partnerit të saj.
Por duket se gishti në dorën e majtë nuk ka mbetur bosh, sepse këngëtarja e ka zëvendësuar menjëherë! Ariana ka postuar një foto në “Instagram”, teksa pozon përpara pasqyrës duke mbajtur në dorë telefonin dhe në dorën e majtë ka një unazë që ndriçon me një gurë.
Këngëtarja e përshkruan foton me vargjet e këngës së saj më të fundit “Thank U, next”: “… jam shumë mirë me këtë”
Sipas “Teen Vogue”, unaza e re është pjesë e një premtimi shoqëror, ku Ari dhe dy mikeshat e saj më të mira si Alexa Luria dhe Njomza, kanë zgjedhur të mbajnë në gisht.
Por ajo që nuk dinim, është se Njomza është me origjinë nga Shqipëria. Ajo ka lindur në Gjermani dhe është rritur në Chicago, Illinois dhe nuk e ka harruar aspak prejardhen e saj.
Madje, Njomza e flet rrjedhshëm gjuhën shqipe.
Këngëtarja 24-vjeçare, u zbulua nga i ndjeri Mac Miller, i cili e bëri pjesë të kompanisë së tij diskografike.
Burimi: Cosmopolitan
