Ëndrra e çdo vajzë: të ketë një fytyrë të pastër dhe për këtë mos të shpenzojë shumë para. Nëse bën pjesë në grupin e këtyre vajzave, duhet të lexoni sekretin e Almeda Abazit.
Ish-Miss Shqipëria tregoi për emisionin “Pa filter” se, nuk i pëlqen të grimohet shumë dhe nuk fle asnjëherë më makijazh.
Veç kësaj bukuroshja shqiptare përdor prej vitesh një maskë, të cilën e bën në shtëpi. Dhe përbërësi kryesor është kafeja.
“Gjithmonë preferoj gjërat bio. Sigurisht që i përdor produktet kozmetike, por jo ato të rëndësishmet, më të rëndësishmet i kam bio, ç’mund të bëj në shtëpi. Çdo ditë bëj skrab me kafe turke dhe vaj ulliri. I përziej dhe fërkoj lëkurën me to.
Ndërsa një herë në javë bëj një përzierje timen prej vitesh. Përziej kafe turke, me kanellë, me mjaltë, me të verdhën e vezës, shumë pak kos të trashë. Bëhet si tip kremi dhe e vendos në fytyrë. E mbaj për 20-30 minuta. Është një nga maskat më të mira që mund të rekomandoj. Më pas e laj fytyrën duke e fërkuar shumë pak. E lyej fytyrën me të bardhën e vezës që e tërheq lëkurën. E mbaj për 10-15 minuta dhe në fund vë kremrat që preferoj. Një herë në muaj bëj një pastrim në qendra estetike”,tregon Almeda.
