I ka fituar zemrën italianëve dhe shumë shpejt mund t’ia fitojë edhe evropianëve. Po flasim për këngëtarin me origjinë shqiptare, Ermal Metën, i cili na bëri krenarë me arritjen e tij, fitoren në festivalin e Sanremo-s.
Ashtu siç e premtoi, Meta do të mbajë një koncert në Tiranë, sipas emisionit “Jo vetëm Modë”.
Koncerti i tij pritet të mbahet në fund të muajit maj, pasi të përfaqësojë Italinë në “Eurovision”, më 8 maj.
Ende nuk dihen detaje të tjera për koncertin, por pritet që shumë shpejt të mësohet për ditën dhe vendin.
Kujtojmë se këtë vit tre shqiptarë do të shkojnë në Lisbonë, Eugent Bushpepa, që përfaqëson Shqipërinë, Ermal Meta, Italinë dhe Eleni Foureira, Qipron.
