Aktorja e famshme e Hollywood Lindsay Lohan dëshiron që vitet kur ajo shquhej si vajzë festash dhe rebele të harrohen.
Në një intervistë me “New York Times”, 31- vjeçarja, këmbënguli që ajo është zhveshur terësisht nga reputacioni i vajzës së festave dhe shpreson që publiku ta ndryshojë perceptimin për të.
“Unë jam një person normal, i këndshëm. Një njeri i mirë. Unë nuk kam asnjë qëllim të keq. E kaluara ime duhet të qëndrojë në të kaluarën dhe njerëzit nuk kanë pse ta përmendin më , sepse nuk është më, është zhdukur, ka vdekur. Dhe kjo është shumë e rëndësishme për mua” – u shpreh ylli i kinematografisë.
Gjatë dekadës së fundit, Lohan është arrestuar disa herë për shkelje si ngarje e makinës në gjendje të dehur dhe vjedhje në dyqane.
Veçanërisht, ajo ishte e lidhur në të njëjtin rreth shoqëror me Paris Hilton dhe Britney Spears, të njohur gjerësisht si “Triniteti i Shenjtë”.