iconstyle.al > Celebrity > Adrola Dushi rrëfehet me lot në sy: Nuk ma merrte mendja kurrë

Adrola Dushi rrëfehet me lot në sy: Nuk ma merrte mendja kurrë

Pavarësisht se tashmë ndodhet në Amerikë, Adrola Dushi nuk e ka pasur të lehtë të marrë disa vendime të rëndësishme për jetën e saj.

Me gjithë vështirësitë e fillimit dhe megjithëse ende në hapat e parë të një karriere ndërkombëtare si modele, Adrola është e lumtur që është larguar nga Shqipëria drejt vendit të mundësive. Sepse atje ka të gjithë familjen, por edhe sepse mund të vlerësohet më shumë e më mirë , për punën që bën.

E ftuar në emisionin e pasdites “Rudina”, Adrola tha se vështirësitë nuk kanë qenë të pakta. Por më e madhja dhe më e papërballueshmja është mungesa e të birit 3-vjeçar, Troit.

Ai jeton me prindërit e Adrolës, një orë larg Manhatanit ku Adrola jeton me modelen tjetër nga Shqipëria, Xhesika Berberi: “Është e vështirë, sepse më mungon shumë Troi. Në fillim nuk më zinte gjumi natën. Me keqardhje e them, por unë nuk jam më e preferuara e Troit…”, tregon ajo duke shtuar se tashmë vogëlushi kërkon më shumë mamin dhe babin e saj sesa vetë atë.

Natyrisht, takimet janë të shpeshta,  por Adrola rrëfen se shumë shpejt do që ta ketë të birin me vete në Manhatan, sepse ai tashmë po rritet dhe i ndien mungesën e saj: “Shihemi shumë shpesh, por nuk jam çdo natë më Troin, më mungon 24 orëshi me të…”.

E gjithë familja e Adrolës është në Amerikë dhe ajo e ndien veten me fat, që prindërit dhe dy vëllezërit kanë qenë mbështetja e saj më e madhe. Edhe pse, në fillim, ata të dy nuk e kishin dashur motrën e vogël, madje e kishin urryer.

Landi ishte i pranishëm në studion e “Rudina” enkas për t’i dërguar motrës një mesazh: “E mbaj mend shumë mirë kur linde ti, sa shumë të kam urryer, sepse doja të kisha një vëlla tjetër, por sot jam shumë krenar për ty….”, tha ai ndër të tjera.

Pas videos, Adrola e pati të vështirë t’i përmbante lotët. Landi dhe Adi janë pika e saj e dobët.

“Nuk ma merrte mendja kurrë që Landi të pranonte të bënte këtë gjë. Ju falënderoj shumë. Ata janë pika ime e dobët, pjesa e pandashme imja, shpresoj ta mbajnë kokën lart për mua një ditë”, thotë ajo e përlotur duke kujtuar se fëmijëria me dy vëllezër ka qenë e jashtëzakonshme.

“Nuk kanë qenë aspak të lumtur kur linda unë, por pastaj Landi dhe Adi ziheshin kush do më puthte i pari te këmba, më merrnin në krahë dhe më hidhnin, kush do më puthte i pari….”, thotë ajo mes lotësh duke shtuar se ndihet e bekuar.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.