Karl Lagerfeld është një fotograf po aq i aftë sa edhe stilist. Drejtori kreativ i Chanel, Fendi-t dhe i linjës së tij, ka hyrë në lentën e fushatës së tij të markave, përfshirë ato me Kristen Stewart dhe Willow Smith, si dhe editorialet e revistave, disa prej të cilave të shfaqura në “Harper’s Bazaar”.
Në një intervistë për CNBC, ikona e modës flet për ndjesinë e të qenit prapa kamerës së modeleve “it”, si Kendall Jenner, si dhe celebrities-ve të famshëm, si Kim Kardashian dhe Kanye West.
Jenner ka shërbyer disi si një muzë për dizajnuesin, sidomos pasi eci në pasarelën e Chanel dhe Fendi. “Ajo është një fëmijë i këndshëm”, thekson ai.
“Mendova se ishte e duhura për Fendi-n. Dhe më pëlqen personaliteti i saj. Ka diçka shumë të ëmbël te ajo”, shpjegon dizajnuesi Lagerfeld lidhur me bashkëpunimin e shpeshtë me modelen 21-vjeçare.
Ai u pyet edhe për bashkëpunimin që pati me Kim Kardashian për koverin e revistës “Harper’s Bazaar”, shtator 2016.
“Unë i kam fotografuar ato më parë dhe i njoh të dy për një kohë shumë të gjatë. Kështu që nuk ishte aspak problem, sepse nëse do të fotografosh njerëz të famshëm, nëse jeni vet paksa i famshëm, është shumë më e thjeshtë. Nëse jeni para një fotografi të panjohur, ata nuk mund të relaksohen siç bëjnë përpara meje. Kam bërë edhe për një revistë tjetër kur ajo ishte shtatzënë dhe e kam takuar disa herë. Atë e njoh edhe më përpara. Normalisht, unë nuk kam probleme me njerëzit”, tregon Karl Lagerfeld.
Burimi: Harper’s Bazaar
