Gazetarja e njohur Lidia Curanaj, e cila punon për “Fox 5”, ka akuzuar ish-drejtorin e saj për abuzim seksual. Kjo ishte një ndër akuzat mes shumë të tjerave nga femrat që punonin në kompani, që e shtynë drejtorin Roger Alies, i cili kishte 20 vite në atë pozicion, të largohej nga posti.
Tashmë gazetarja shqiptare është në pritje të ëmbël së bashku me bashkëshortin e saj, por ngacmimi seksual për të cilin ajo ka paditur ish-drejtorin ka ndodhur në momentin kur ajo ka aplikuar për punë.
Sipas Balkanweb, kur ka shkuar për intervistë, Alies i ka thënë të çohet në këmbë e të rrotullohet. Gjithashtu në një darkë të përbashkët, kur këta të dy janë njohur për herë të parë me njëri-tjetrin, ish-drejtori ka pyetur një senator amerikan me të cilin shoqërohej gazetarja, nëse kjo e fundit është e mirë në marrëdhënie seksuale. Por përgjigjja e senatorit kishte qenë se Curanaj nuk ishte nga ajo lloj vajze.
Gazetarja ka paditur gjithashtu mbi diskriminimin që i bëhet në punë për shkak të moshës, seksit, paraqitjes dhe kombësisë, të cilat ajo beson se janë bërë shkak për uljen e rrogës dhe orëve të punës.
