Bette Nash, stjuardesa më jetëgjatë në botë, ka ndërruar jetë në moshën 88-vjeçare pas gati 67 vitesh punë në fushën e aviacionit.
Nash filloi të fluturonte me Eastern Airlines dhe kryesisht punoi në fluturimin midis Uashington DC dhe Boston, në mënyrë që të mund të ishte në shtëpi çdo natë për t’u kujdesur për djalin e saj.
Ishte magjepsja e fluturimit që e tërhoqi fillimisht Nash-in në punë.
“Doja të bëhesha stjuardesë që nga koha kur hipa në aeroplanin e parë, isha 16 vjeçe”, tha ajo për CNN. “Piloti dhe stjuardesa ecën nëpër sallë dhe mendova ‘Oh Zot’ dhe thashë se kjo ishte për mua.”
Në fillim të karrierës së saj, “duhej të kishe një gjatësi të caktuar, duhet të kishe një peshë të caktuar. Dikur ishte e tmerrshme,” ka thënë më parë ajo.
Në vitin 2022, Nash u nderua me titullin e rekordeve botërore Guinness si stjuardesa më jetëgjatë. Ajo kurrë nuk u tërhoq zyrtarisht nga roli i saj në American Airlines dhe ndërroi jetë më 17 maj pas diagnozës së kancerit të gjirit.
“Ne japim ngushëllimet tona për vdekjen e Bette Nash, e cila kaloi gati shtatë dekada duke u kujdesur ngrohtësisht për klientët tanë në ajër”, tha American Airlines në një deklaratë në mediat sociale. “Ajo filloi në vitin 1957 dhe mbajti Rekordin Botëror Guinness si stjuardesa më jetëgjatë. Bette frymëzoi gjenerata të stjuardesave. Fluturo lart, Bette.”
