Aktori i ‘Oscars’ Leonardo Di Caprio duket se i qëndron strikt rregullave të tij, ‘jo të dashur nën moshën 27 vjeç’. Pas Gigi Hadid, Di Caprio ka konfirmuar zyrtarisht romancën e tij me modelen 25-vjeçare Vittoria Cereti, dhe burime nga Pagesix thonë se gjërat janë serioze. Një burim i veçantë thotë se DiCaprio madje është parë duke mbështetur Cerettin ndërsa ajo ecte në pasarelat në Javën e Modës në Milano.
“Ata kanë kaluar mjaft kohë së bashku gjatë muajve të fundit dhe po kënaqen duke e njohur njëri-tjetrin në një nivel më të thellë,” zbuloi burimi i brendshëm.
Di Caprio dhe Ceretti ndezën thashethemet për romancë pasi u panë në një klub në Ibiza, Spanjë muajin e kaluar. Daljen e tyre të parë publike vendosën ta bënin në Festivalin e Filmit në Kanë dhe dyshja duket se e kanë çuar lidhjen në një nivel tjetër.
Gjithashtu u raportua se modelja u pa me aktorin në premierën e dramës së krimit në Francë në fund të majit në Festivalin e Filmit në Kanë.
