Muzikanti dhe kompozitori amerikan ubano-amerikan Rene Lorente ngriti një padi në Gjykatën e Qarkut të Shteteve të Bashkuara për Distriktin e Puerto Rikos kundër këngëtares kolumbiane Karol G, duke e akuzuar atë për plagjiaturë në këngën ‘Don’t Be Shy’, të cilën ajo e ka në bashkëpunim me DJ Tiesto.
Sipas dokumentit gjyqësor të lëshuar nga autoritetet, artistja është paditur për shkelje të së drejtës së autorit dhe plagjiaturë. Paditësi ka kërkuar që t’i paguajnë 3 milionë dollarë “për dhimbje mendore, poshtërim, dëmtim të reputacionit dhe siklet”.
“Nëpërmjet një analize të detajuar të elementeve muzikore, lirike dhe strukturore të të dyja këngëve, është konstatuar se ka ngjashmëri të pamohueshme domethënëse që shkojnë përtej kufijve të ndikimit të përbashkët apo rastësisë”, thuhet në dokumentin e padisë së paraqitur në gjykatë.
Sipas raportit, ka “elemente dalluese melodike, progresione harmonike, struktura harmonike dhe lirike që dëshmojnë për një marrëdhënie të drejtpërdrejtë midis dy kompozimeve”.
Në këtë kontekst, teksti konkludoi se ka “prova thelbësore për të mbështetur pretendimet për shkelje të së drejtës së autorit dhe plagjiaturë, përdorim të paautorizuar, gjymtim të veprës, dëme morale dhe monetare”.
Kujtojmë se më 23 qershor, gjatë edicionit të tretë të Tu Musica Urbano Awards, këngëtarja kolumbiane mori çmimin Top Crossover Song për ‘Don’t be shy’, së bashku me tetë çmime të tjera.
