Kandilat e deti janë një dukuri gjithnjë e më e shpeshtë në plazhe. Përgjithësisht në detet tona, kontakti me këtë kafshë detare mund të jetë i bezdisshëm, por pa shkaktuar dëme serioze.
Nuk mund të themi të njëjtën gjë për detet tropikale, ku njeriut kontakti me një kandil mund t’i rrezikojë edhe jetën.
Kontakti me tentakulat e një kandili deti mund të prodhojë efekte të ndryshme, në varësi të llojit të kandilit të detit që haset.
Për shembull, Rhizostoma pulmo, ose mushkëria e detit, kandili i deti më i madh në Mesdhe, lëshon një toksinë të vogël thumbuese që mund të shkaktojë acarim të lëkurës, i cili zakonisht zgjidhet në një kohë të shkurtër.
Nga ana tjetër, më thumbues është Pelagia noctiluca, një kandil deti i përhapur po në Mesdhe, i pajisur me një ombrellë të vogël vjollcë dhe fluoreshente gjatë natës, e cila në verë shpesh formon tufa të gjera që godasin brigjet.
Shumë më të rrezikshëm janë kandilët tropikal dhe “karavela portugeze”, të pranishëm thuajse kudo, të cilët herë pas here gjenden të bllokuar edhe në plazhet e Mesdheut.
Gjëja e parë që duhet të bëni nëse bini në kontakt me një kandil deti është të lagni lëkurën me ujë deti dhe të hiqni çdo mbetje tentakulash.
Evitoni vendosjen e ujit të freskët në plagë dhe prekjen e pjesës së prekur. Gjithashtu mos përdorni alkool dhe amoniak.
Hapi tjetër është qetësimi i dhimbjes, duke përdorur pako akulli ose sodë buke duke e aplikuar në lëkurë, ose anti-inflamatorë oralë.
