Aktori i njohur Pete Davidson është shtruar në rehabilitim pasi po lufton me çrregullimin kufitar të personalitetit dhe PTSD, thonë burimet për Page Six.
Mësohet se aktori i “Saturday Night Live” po trajtohet në të njëjtin institucion në Pensilvani, ku shoku i tij i ngushtë John Mulaney kërkoi ndihmë për çështjet e pijeve dhe drogës.
Një mik tha: “Pete shkon rregullisht në rehabilitim për ‘rregullim’ dhe për të marrë një pushim mendor.”
Kjo vjen disa javë pasi ai u detyrua t’i kërkonte falje kreut të shoqatës bamirëse të kafshëve PETA për shkak të sjelljes së tij ndaj tyre.
Ai u akuzua gjithashtu këtë muaj për drejtim të pakujdesshëm pasi përplasi makinën e tij me një shtëpi në Beverly Hills. Ai ishte duke drejtuar mjetin tip “Mercedes” me të dashurën e tij Chase Sui Wonders kur humbi kontrollin e makinës dhe u përplas me një shtëpi.
Një burim i afërt i tha Page Six: “Kushdo që e njeh Pete e di se ai gjithmonë do të ngrihet dhe do të marrë ndihmë kur e di se ka nevojë për të. Ai ka shumë njerëz në anën e tij që e duan dhe e mbështesin dhe janë krenarë për të.”
Miku thotë se komiku – i cili ishte vetëm 7 vjeç kur humbi babanë e tij zjarrfikës, Scott, në sulmet terroriste të 11 shtatorit – “po merr një pushim të merituar në mënyrë që të mund të fokusohet tek vetja dhe të mësojë të merret më mirë me çështjet e tij PTSD”
