Avokati Saimir Visha ka publikuar sot lajmin se është divorcuar me bashkëshorten e tij në Gjykatën e Tiranës. Në një reagim në rrjetet sociale, ai tregon sesi e ka përjetuar divorcin, teksa shprehet se ndihet i vetmuar. Vishaj përmend edhe sëmundjen e rëndë me të cilën e fitoi betejën, teksa thotë se “ish-gruaja iku me vrap duke e lënë në vetmi”.
“Vetmia është gjëja më e rëndë që i ndodh njeriut. Linda nga dy prindër të mrekullueshëm, u bëra një baba i denjë i dy djemve me mbiemrin Vishaj, por ç’do, sot mamaja e djemve u divorcua nga Gjykata e Tiranës duke e përdhosur mbiemrin Ruka dhe duke hequr përfundimisht mbiemrin Vishaj. Ja pra, kjo është vetmia: që kur të zë një sëmundje, ish-gruaja ikën me vrap duke e lënë në vetmi atë që kishte 35 vjet që bashkëjetonte. Kur ishim mirë, s’kishte vetmi, tashmë vetmia u ul këmbëkryq në shtëpinë time…” – shkruan Vishaj.
Vishaj ka treguan peripecinë e tij shëndetësore.
“Unë jam tip i rregullt dhe çdo muaj kam bërë check up, nuk kam pasur asnjë shqetësim. Kisha abuzuar më përpara me cigaren dhe alkoolin. Nuk e dimë që e nesërmja vazhdon, fusim dhe familjen në stres. Stresi është një nga arsyet që mbartin avokatit për zgjidhjen e çështjeve. Kjo është lufta jonë që e vuajmë në paraburgim, ne jemi ata që vuajmë edhe me familjarët.
Një i burgosurit ka gruan dhe fëmijët jashtë dhe duhet të bëjmë edhe psikologun, ka shumë probleme që avokati është i detyruar. Mbaja mend edhe ditët që kisha seancë gjyqësore. Isha në reanimacion, nuk e kuptoja pse isha atje, kërkoja vetëm të dilja të ikja në punë.
Pastaj familja më ka qëndruar pranë, bashkëshorten e kam mjeke, më tha lere punën se do vuash nja dy vjet. Thash nëse nuk me gjeni diagnozë do iki në Itali. Shkoj në banesë dhe më ndodhi e njëjta gjë.
U detyruam, morëm masat, qëndruam në Milano. Më nisën në koshiencë, deri në Rinas, në ajër kam qenë 90 përqind vdekje klinike, atje kam shkuar thuajse i vdekur. Kam hapur sytë pas 10 ditësh, pashë që isha në vend të huaj, nuk më linin të prekja as hekurat e krevatit.
Përcaktuan diagzonës, më kanë operuar me robot, kisha një tumor në zorrën e trashë që nuk e linte mëlçinë të dërgonte oksigjen. Pas operimit, gjithë ekipi stafi duartrokitën, u detyrova dhe unë pa ditur që u bëra operacion. Që atë ditë u ndjeva i lehtësuar”-u shpreh Vishaj.
Ai pranoi se për shkak të neglizhencës ndaj shëndetit, nuk e diagnostikoi sëmundjen e kancerit në kohë. Ai tha se ka rënë tre herë në komë, ndërsa kurimi në Itali dhe SHBA ‘e riktheu’ në jetë.
“Ne kemi mentalitetin të mos vizitohemi se mos na del ndonjë gjë. Po ti makinën e çon për ta rregulluar dhe nuk çon veten tënde. Unë isha në gradën e fundit. Pas operacionit, mjekët kishin frikën e dy vatrave tumorale që kishin depërtuar në mushkëri, dhe meqë mëlçia ka pasur probleme, nuk i merrnin përsipër, nuk garantonin jetëgjatësi. Duke hulumtuar, gjetën një spital në Amerikë, që ka prodhuar vaksina kundër kancerit. 80-90% e kancerit m’u largua nga ajo. Një 10% që më ka ngelur, do e bëj në tetor dhe garancia është 100%. Kjo ishte risi mjekësore. Me vaksinën dhe terapinë, më ngritën në këmbë. Bëra fizioterapi dhe sot fluturoj, se katër muaj kam qenë i ngrirë”, tha ai.
