Popullsia e botës ka arritur në rreth 8.3 miliardë banorë, një shifër që sipas disa studiuesve mund të jetë shumë më e lartë sesa kapaciteti i qëndrueshëm i planetit tone. Debati mbi “kapacitetin mbajtës” të Tokës po rikthehet në vëmendje, ndërsa ekspertët paralajmërojnë për presion në rritje mbi burimet natyrore qe ne kemi.
Sipas një studimi të publikuar në Environmental Research Letters, kufiri ideal që Toka mund të përballojë në mënyrë të qëndrueshme mund të jetë rreth 2.5 miliardë njerëz. Kjo do të thotë se popullsia aktuale është shumë mbi atë që konsiderohet e balancuar për ekosistemin global.
Ndërkohë, parashikimet tregojnë se numri i njerëzve në planet mund të arrijë deri në 12 miliardë deri në vitet 2060–2070. Kjo rrit shqetësimet për mungesën e burimeve si uji, ushqimi dhe energjia, si dhe për ndikimin në ndryshimet klimatike dhe biodiversitetin.
Megjithatë, jo të gjithë ekspertët bien dakord me këtë vlerësim. Disa argumentojnë se teknologjia, inovacioni dhe mënyra më efikase e përdorimit të burimeve mund të rrisin kapacitetin e Tokës për të mbështetur një popullsi më të madhe.
Ajo që mbetet e qartë është se sfida nuk lidhet vetëm me numrin e njerëzve, por edhe me mënyrën se si jetojmë, konsumojmë dhe menaxhojmë burimet e planetit.
