Kate Moss raportohet se përfundimisht është ndarë nga Nikolai von Bismarck, pasi festat e tij i kalonin kufijtë për të.
Modelja 42-vjeçare, e cila është në lidhje me 29-vjeçarin Count që prej vitit të kaluar, mendohet se ka debatuar me të dashurin e saj pasi ai refuzon që t’i ndalojë festat e çmendura.
Sipas “The Sun”, raportimet vijnë pasi divorci me ish-bashkëshortin e saj prej katër vitesh, Jamie Hince, u finalizua javën e kaluar. Supermodelja realizoi një udhëtim së fundmi me Nikolai-n, por ndarja erdhi pas verimit të tij të fundit.
“Ishte një debat shumë i nxehtë dhe Kate tha se ajo i dha fund me të. Ajo ishte vërtetë e dashuruar me Nikolai, por tha se nuk mundej më dhe se ishte koha për të ecur përpara”, tha një burim i brendshëm.
Dhe një tjetër faktor raportohet se është marrëdhënia e tij e ngurtë me vajzën e saj Lila 14-vjeçare, nga lidhja me editorin Jefferson Hack.
“Ajo i tha miqve se ishte në dijeni se Nikolai kishte një efekt negativ në marrëdhëniet e saj me vajzën dhe se ishte një faktor i madh në vendimin e saj për t’i dhënë fund marrëdhënies”, tha një burim për revistën.
Ndërkohë që Kate arriti një marrëveshje të qetë divorci me ish-bashkëshortin Jamie. Pas kësaj ish-i dashuri thuhej se i shprehu dashurinë në Venecia, bashkë me kërkesën për t’u martuar.
Burimi: The Sun
