Ish-kryeministri Sali Berisha feston sot 72 vjetorin e lindjes. Ai ka postuar sot një mesazh në “Facebook” dhe një foto ku ka dalë me nipin dhe bashkëshorten”.
Sot 72 vjeç! Miq, është fitore dhe bekim te bëhesh 72 vjeç dhe të të duket vjeshta si pranverë! Mirënjohje të pakufishme Zotit, Lilit e te gjithë familjareve, miqve, te afërmve, bashkëpunëtoreve, mbështetësve të mi, që me dashuri, përkushtim te madh me kane shoqëruar dhe aq shumë më kanë ndihmuar, mbështetur, frymëzuar përgjatë këtij rrugëtimi. Zoti i bekoftë!! sb”
I pari që e ka uruar publikisht është reperi shqiptar, Stresi:
“Të dërgoj urime të ngrohta për ditëlindjen tënde, të uroj shëndet dhe lumturi në jetë. Shumë urime për ty, gëzofsh edhe shume pranvera të tjera sepse me të vërtetë je një person special, dhe unë jam i lumtur që kam arritur të të njoh në këtë jetë. Shumë urime për ty…”, kanë qenë fjalët e reperit.
