Këngëtari me origjinë nga Kosova, Genc Salihu ka bërë të ditur lajmin e madh, së shpejti ai do të bëhet baba për herë të parë.
35-vjeçari ka zbuluar për “Top Channel” se pret të bëhet baba i një vajze, fryt i lidhjes së gjatë me regjisoren Kaltrina Krasniqi.
Lajmi vjen si befasi edhe pse Genci dhe Kaltrina janë në një lidhje disavjeçare. Ata janë treguar të kujdesshëm për ta mbajtur larg vëmendjes së publikut marrëdhënien e tyre.
Më shumë se një vit më parë, pasi shpallën fejesën, këngëtari dhe regjisorja e ndanë edhe me miqtë virtualë këtë moment nga jeta e tyre.
