Banesa e këngëtarëve të njohur, Naim Abazi dhe Mihrije Braha, në Prishtinë u përfshi nga flakët në Prishtinë. Ngjarja ka ndodhur më 10 maj, por lajmi është bërë publik një ditë më parë.
Në lidhje me këtë ngjarje ka reaguar vetë Mihrije Braha e cila tregoi se nga u shkaktua zjarri. Teksa ishte e ftuar në “Shqipëria Live”, ajo konfirmoi se shkak ka qenë një defekt elektrik, një zgjatues elektrik ka marrë flakë. Këngëtarja shtoi se ka qenë faji i saj, pasi ishte ajo që e ka vendosur zgjatuesen.
Mirëpo, ajo shtoi se në momentin që ka ndodhur ngjarja, ajo së bashku me Naimin kanë qenë në Tiranë, të ftuar në programin “E Diell” në Top Channel.
“Ditët e para ishim të traumatizuar. Ajo që kuptuam ishte sa vlerë ka jeta e njeriut, pjesa tjetër rregullohet. Ne ishim në Top Channel me Naimin, motrën dhe me miqtë tanë. Pasi mbaruam intervistën thashë ‘siç e do shoqnia kall le të flakët shtëpia’. Unë si instikti i nënës e pata një lloj krize që nuk më ka ndodhur kurrë, gjatë xhirimeve në Top. I thashë motrës të vonojmë xhirimet, që të pija ujë se nuk kisha energji. E piva një gotë ujë e mora vetën dhe bëmë xhirimet.
Sapo përfundova më ra telefoni, por nuk e hapa. Më pas vëllai mori motrën dhe telefonin ma kaloi mua. Më tha ‘jemi mirë, jemi shëndosh, jemi gjallë, por është kallë banesa’. Është djegur dhoma e rrobave, hapi kamerën dhe më tregoi se ishin të gjithë mirë. Në shtëpi ka qenë djali dhe nusja. Djali ka tentuar të fikë zjarrin, nusja ka marrë telefonin për të njoftuar policinë dhe më pas vëllain ku i ka thënë ‘po kallemi’. I pari që e ka qetësuar zjarrin ka qenë vëllai. Kur pashë se janë mirë të gjithë u qetësova. Naimit nuk i tregova deri kur shkuam në kufij, se ishte shofer. Aty e mori vesh nga një mik i veti”, tha këngëtarja e njohur.
View this post on Instagram
