Një lajm i trishtë për kinematografinë vjen nga aktorja vetëm 26-vjeçare koreano-jugore, Jung Chae-jul.
Trupi i saj është gjetur i pajetë në banesë nga familjarët e aktores, ndërkohë që arsyet e vdekjes së saj mbeten ende të paqarta.
E reja po përgatitej për filmin e saj të ri, një serial të shumëpritur korean ku do të kishte një rol të rëndësishëm. “Wedding Impossible” titullohet seriali që në fakt, rezultoi i pamundur edhe për aktoren, për shkak të vdekjes së saj tragjike e të papritur.
Jung Chae-jul ishte një prej aktoreve të dashura të publikut, që u bë e njohur për rolin e saj në serialin e aksionit ‘Zombie Detective’ si dhe ka luajtur në filmat e tjerë ‘I Have Not Done My Best’ dhe ‘Deep’.
Fansat nga e gjithë bota kanë shprehur hidhërimin e madh për humbjen e 26-vjeçares në lule të rinisë dhe të karrierës së saj artistike.
