Horoskopi kinez bazohet në një cikël 12 vjeçar, ku çdo kafshë përfaqëson një vit të caktuar. Shenjat e horoskopit kinez përcaktohen nga viti jonë i lindjes.
enditja e këtyre shenjave u vendos nga një garë midis një demi dhe një miu të zgjuar, ku ky i fundit fitoi dhe garën. Për këtë arsye miu është kafsha e parë e horoskopit e cila pasohet nga demi.
Kinezët mendojnë se kafsha që përfaqëson datëlindjen tuaj ka një influencë të madhe në personalitetin, marrëdhëniet dhe fatin tuaj.
Miu: Njerëzit e lindur në këtë vit janë të zgjuar dhe plot sharm. Ata janë kuriozë nga natyra dhe motivohen shumë nga paratë.
Demi: Të lindurit e kësaj shenje janë këmbëngulës dhe të çiltër. Ata kanë shumë besim te vetja dhe duken shumë kokëfortë.
Tigri: Janë të guximshëm dhe të pavarur. Ata respektohen për mendimet e tyre të thella dhe veprimet e guximshme, por shpesh kanë qejt të mburren kur arrijnë diçka.
Lepuri: Njerëzit që i përkasin kësaj shenje janë të dashur nga pjesa tjetër sepse janë të sinqertë dhe shmangin konfliktet. Edhe pse janë të ndjeshëm, ata nuk janë shumë të shkathët dhe kjo gjë i bën të humbasin shumë mundësi.
Dragoi: Dragoi është një shenjë e fuqishme. Njerëzit e kësaj shenje janë energjikë dhe nervozë. Ata e urrejnë hipokrizinë dhe thashethemet dhe ndonjëherë mund të jenë pak arrogantë dhe të paduruar.
Gjarpri: Gjarpërinjtë janë simboli i urtësisë dhe mençurisë. Konsiderohen si persona me humor dhe të talentuar në letërsi dhe art. Megjithatë gjarpri mund të jetë tepër i dyshimtë dhe kjo gjë e bën atë paranojak.
Kali: Njerëzit e kësaj shenje janë zemër-gjerë dhe të shoqërueshëm. Pavarësia është një ndër pikat e tyre më të forta, por ndonjëherë ata janë të sinqertë më shumë seç duhet me të tjerët.
Dhia: Dhisë i pëlqen të qëndrojë vetëm dhe të mendojë. Ajo është krijuese dhe e vlerëson artin. Edhe pse ajo është kursimtare dhe e kujdesshme, shpesh është e pavendosur.
Majmuni: Njerëzit e lindur në shenjën e majmunit iu pëlqen t’i bëjnë të tjerët për të qeshur. Ata janë energjikë dhe gazmorë, por ndonjëherë e humbasin kontrollin.
Gjeli: Gjelat janë të ndershëm, të vëmendshëm dhe punojnë fort. Ata rrallë besojnë tek të tjerët dhe kjo gjë i bën të jenë të paduruar kur kanë të bëjnë me të tjerët.
Qeni: Njerëzit që janë në shenjën e qenit janë shumë besnikë dhe dinë të ruajnë sekrete. Ata nuk frikësohen nga vështirësitë e jetës por shpesh kanë tendencën të shqetësohen më shumë seç duhet.
Derri: Njerëzit e kësaj shenje janë të mirë dhe të sjellshëm. Ata i falin gabimet e të tjerëve, por shpesh kjo i bën të duken naivë dhe lehtësisht të manipulueshëm.
