Të gjithë e mbajmë mend mjaft mirë miqësinë e ngushtë që Iliri dhe Sabiani patën së bashku brenda shtëpisë së “Big Brother VIP”.
Më pas, raporti i tyre i ngushtë miqësor u kris papritmas.
Që nga ajo kohë dyshja nuk janë parë në shoqërinë e njëri-tjetrit as në studio televizive. Mirëpo së fundmi “mrekullia” ka ndodhur. Teksa Iliri ka qenë i ftuar në emisionin “S’e Luan Topi”, Sabiani e ka surprizuar duke u shfaqur në skenë, madje duke kënduar këngën “që e ka bërë për të”.
Dyshja kanë shkëmbyer edhe një përqafim të munguar para të gjithëve.
View this post on Instagram
Më herët në një intervistë, ka qenë Sabiani ai që ka folur për marrëdhënien e shumëpërfolur me Ilirin, dhe arsyen pse mungoi në dasmën e tij.
“Asgjë nuk ka ndodhur me Ilirin. Nuk kam ndërmend të martohem kështu që e di që Iliri nuk do të vijë në dasmën time. Kështu që nuk ka për t’i ngelur qejfi kurrë. Po në ndonjë festë tjetër do t’i shkoj nëse më fton. Unë gjithmonë e dua Ilirin pavarësisht se çfarë ka ndodhur. Gjithmonë e ka pasur telefonin tim. Unë e di që Iliri do të vijë të më takojë. Dera është e hapur dhe gjithmonë do të jemi bashkë”- u shpreh Sabiani gjatë një interviste në “Top Channel”.
