Jeta e tij private ka qenë gjithmonë një mister për publikun. Po flasim për Yll Limanin i cili së fundmi duket se ka vendosur të ngacmojë sadopak fansat e tij në lidhje me çështjet e zemrës.
Me anë të një postimi në Instastory, Ylli ka lënë të kuptohet se nuk është më beqar dhe jo vetëm kaq. Ai ka zbuluar edhe një “karakteristikë” të partneres së tij. Krahas një imazhi ku duket ai me telefon në dorë, këngëtari shkruan: “Ajo nuk më bezdis kurrë kur jam në koncert.”
Epo e dashura e Yllit duket se paska një tipar të domosdoshëm për një artist, duke qenë se këngëtari është gjithë kohës me koncerte dhe dikush që e kupton ia lehtëson në maksimum punën.
Më herët kujtojmë që këngëtari ka bërë një rezume të vitit që lamë pas, duke e konsideruar vitin 2022 si më të mirin por edhe më të vështirin. Në një postim ai u shpreh gjithashtu se nuk din si ta shprehë mirënjohjen për ndjekësit e tij.
“2022 ma ka ndryshuar jetën përgjithmonë. Ka qenë viti më i miri dhe më i vështiri i jetës time. Faleminderit të gjithë juve që më keni përkrahur gjatë gjithë kësaj kohe. Faleminderit që e doni muzikën time …mirënjohjen time nuk do të di kurrë me e shpreh qysh ju e meritoni! Faleminderit le ta bëjmë këtë 2023. Gëzuar”, ka shkruar Ylli në postim.
Ylli ka folur edhe për jetën e tij sentimentale dhe përse ai vendos ta mbajë atë private.
“Normalisht që jeta personale ka qenë gjithmonë e mbrojtur hermetikisht, jam i turpshëm për të folur për këtë situatë. Edhe njerëzit janë të lidhur shumë emocionalisht me muzikën time. Po të them që jam në një lidhje dhe bëhet publike, do mendojnë njerëzit që tërë kohën po i shkruaj asaj, prandaj e kam ruajtur gjithmonë,” u shpreh ai.
