Fama nuk është gjithmonë rezultat i punës së fuqishme!
Dhe Gigi Hadid nuk mund të përmbajë hutimin nga suksesi dhe popullariteti që i erdhi në moshën 21-vjeçare.
Modelja u shpreh për revistën WSJ lidhur me 23 milionë ndjekësit e saj në “Instagram”: “Është e çuditshme, sepse ndodhi në mënyrë kaq natyrale për mua”. Numri i ri i revistës “WSJ” do të dalë më 8 tetor, ku modelja ka dhënë një ndër intervistat më të sinqerta të karrierës së saj.
Ajo është ftuar për të folur për famën që ajo ka në rrjete sociale dhe sesa ndikon modelingu në këtë çështje. Gigi, nëna e së cilës Yolanda Hadid ishte një supemodele, kujton se në shkollë nuk ishte aq e njohur.
“Mendoj se “Instagram”-in e nisa kur isha e re në shkollën e mesme. Nëse kontrolloni në fillim të profilit tim, unë ende kam foto me 500 “likes”. Dhe më pas ndodhi që ishte tema e gjeneratës sonë të modelëve: “supemodele e mediave sociale” ose si e quajnë ato”, shprehet Gigi.
Ndërkohë një nga dizajnuesit që përkrah modelen, Tommy Hilfiger, thotë për Gigi-n: “Mendoj se quhet famë pa mundime”.
Hilfiger nuk e ka bërë Gigi-n vetëm yllin e pasarelës, por edhe imazhin e parfumit të ri, “The Girl”.
“Ajo ka vetëbesim, po jo në mënyrë arrogante. Herën e parë që modeloi për mua, ne kishim 50 modele në shfaqje dhe ajo ishte e para që erdhi dhe më tha “Faleminderit shumë që më keni zgjedhur mua”. Le t’ju the se: Kjo nuk ndodh ndonjëherë”, tha Hilfiger.
*Shfleto galerinë
Burimi: Daily Mail
