Ben Affleck e ka marrë vulën e miratimit nga nëna e Jennifer Lopez, Guadalupe “Lupe” Rodríguez!
“E dija se do të ktheheshin bashkë. E dija që ata ishin të dashuruar. Kam folur me nënën e saj, Lupe, për këtë. Lupe ka thënë gjithmonë se Ben është dashuria e saj e vërtetë”-konfirmoi prezantuesja Sunny Hostin ndërsa fliste për dasmën e çiftit në Las Vegas.
Hostin, vazhdoi më tej, duke u thënë bashkë-prezantuesve të saj se ajo ka besim se dashuria mes Lopez, dhe Affleck, “do të zgjasë përgjithmonë”.
“Ata do të jetojnë të lumtur përgjithmonë, dhe kjo është arsyeja pse ajo mori mbiemrin e tij, ajo e do atë. Ajo duhet të ishte martuar me të herën e parë”-tha ajo.
Aktorja e “Hustlers” konfirmoi martesën me Affleck në edicionin e 17 korrikut të buletinit të saj “On The JLo”. Lopez gjithashtu ndryshoi ligjërisht emrin e saj në “Jennifer Affleck” pas martesës surprizë me aktorin e “Gone Girl”.
“Ne e bëmë atë. Dashuria është e bukur. Dashuria është e sjellshme. Dhe rezulton se dashuria është e durueshme. Njëzet vjet durim”, shkruante ylli i “Marry Me” në letrën drejtuar fansave të saj.
Lopez dhe Affleck u takuan në vitin 2001 në xhirimet e “Gigli” ndërsa këngëtarja e “Dance Again” ishte ende e martuar me burrin e saj të dytë , Cris Judd. Ata u fejuan një vit më vonë, por u ndanë në vitin 2004. Pasi të dy u martuan dhe patën fëmijët e tyre – respektivisht me Marc Anthony dhe Jennifer Garner – ata habitën fansat kur u ribashkuan në prill të vitit të kaluar. Ata u fejuan për herë të dytë në prill 2022.
